Durante un reunion interesante y ameno, Sra. Nicole Hoevertsz a ricibi Sra. Elga Sharpe na Comite Olimpico Arubano (COA), unda a combersa largo riba diferente tema, entre otro e siguiente weganan Olimpico di 2028 cu lo tuma luga na Los Angeles, California. Sra. Elga Sharpe a duna hopi informacion balioso di e ciudad, como e tin mas cu 60 aña ta biba na Los Angeles, unda e la traha como Chef di Protocol pa 3 diferente alcalde di e ciudad. Naci na Aruba, Elga ta bishita regularmente nos isla, y despues di a tende cu Nicole ta forma parti di e comision di coordinacion di weganan Olimpic LA2028, a busca contacto pa asina por comparti tur e conocimento sobre e ciudad. Elga ta conta cu e ta contento pa mira e trabou cu ta ser desaroya door di COA, y ta cla pa ricibi Aruba na Los Angeles na 2028. Pa mas detaye sobre e reunion aki por mira e entrevista.
- Latest
