Weganan Olimpico di Rio 2016 a yega su final

Diadomingo anochi e Weganan Olimpico di Rio de Janeiro 2016 a yega su final cu e Ceremonia di Clausura den e stadion di Maracana. Lidera pa e abanderado Nicole van der Velden, e delegacion di Aruba a drenta e stadion historico aki. E pais di Brasil a marca historia door di bira un di e promenan cu a organisa un Weganan Olimpico den e continente Sur America. Pa dos siman y mey largo Mundo henter a disfruta di competencia deportivo di nivel halto cu a conta tambe cu participacion di nos dushi isla di Aruba cu nos representantenan Philipine van Aanholt, Monica Pimentel, Allyson Ponson, Nicole van der Velden, Jayme Mata, Thijs Visser y Mikel Schreuders. Nos atletanan a luci y haya aprecio pa nan nivel halto di participacion, nan a gana respet di nan contrincantenan mientras Prensa Internacional tabata sigui nos atletanan di cerca.
Aruba a conoce su miho prestacion den historia di e Weganan Olimpico desde 1986 cu nos ta participando como pais autonomo. Awor lo cuminsa traha riba e proximo ciclo te cu Tokyo 2020 unda COA lo kier surpasa e logra di Rio 2016.

Comments

comments