Cantidad di wega den e categorianan infantil y hubenil di Arubaanse Voetbal Bond – AVB a continua diasabra. Na tereno Estudiantes na Primavera e ekipo di cas a enfrenta RCA 1 U9. Mester bisa cu den un bon partido e muchanan di RCA 1 U9 a gana Estudiantes cu e score di 5-1 cu golnan anota pa 2x Gyon Thiel, 1x Dyron Arends, 1x Shanon Alguirre y un autogol. Tambe nos a haya Britannia U9 ta gana Santa Fe U9 cu e score di 3 – 0 cu golnan anota pa Aldrick Perez 2x y Quiyonn Giel 1x.
Mester bisa cu tur e weganan infantil y hubenil ta bay den un bon ambiente. Nos kier a recorda mayornan pa asisti na dicho weganan y den forma sano apoya boso yiu(nan). Un respaldo di mayor lo yuda e mucha sigur den su bon desaroyo y formacion como persona despues. Corda cu cada mayor ta un role model pa nan yiu(nan).
For di coleganan di Futbol Aruba nos ta haya e scorenan di e weganan hunga.