Diahuebs anochi riba tereno di Joe Laveist na San Nicolas tabatin dos partido di baseball hungando cu otro, pero final di e wega cos casi a bay fo’i man entre hungador y empire, nan no a gusta con e empire a hunga e hungada. Tabatin palabranan fuerte y te hasta na algun ocasion kier a enfrenta otro. Polis pasando pa controla a topa cu e bululu y mas patruya a presenta pa duna un man y asina a pidi tur hungado subi auto bandona e sitio, y polisnan a escolar e empirenan.
Ta lamenta con hungador kier caba weganan na vengansa, ta asina e tipo di deportenan aki ta caba poco poco pa motibo cu no por hunga sanamente como amistad. Un isla chikito nos ta, ora wega caba un dia y of cualkier momento tin cu topa otro hende riba caya y no por keda wanta odio y rencor.
