E weekend tras di lomba a tuma luga tanto na San Nicolaas como na Playa, e candeloso partidonan di Semi-Final di Aruba su deporte favorito, esta Domino.
Den Semi-Final 1, e Campeon di 2016 esta Noord Stars “Pizza Hut” DT a enfrenta e ekipo batayado, esta Trappers DT. Tanto Diabierna como Diasabra, e campeon di ultimo decada Noord Stars “Pizza Hut” DT a sa di Sali y demostra nan habilidad y ta pasa relativamente facil pa e final.
Den semi-final 2, e Team cu mas Titulo di Campeon den historia akin a Aruba, esta Old Parr DT a enfrenta e ekipo cu den ultimo 3 aña ta yegando playoff sin ningun problema, esta Extreme DT. Aki si tawata tin Sorpresa den 3 wega “a Muerte”. Na final, sorpresa ta cay ora cu Extreme DT ta sali e vencedor di e semi-final aki.
Final 2017
Campeonato Nacional di Domino Balashi 2017 ta drenta su weekend final, caminda cu lo tin fuerte bataya pa wak asina ken ta logra titular Campeon 2017. Aruba Domino Bond ta invita tur amante di bon Domino, pa bin presencia e weganan di Final e weekend aki, segun e siguiente schedule:
Noord Stars “Pizza Hut” Domino Team lo enfrenta Extreme DT den un best out of 3, pa Campeon. Old Parr DT lo enfrenta Trappers DT den un best out of 3, pa asina resulta den e di 3 of di 4 luga.
Final
Dia Fecha Team VS Team Orario Sitio Di Wega Nota:
Diabierna 13 di October Noord Star DT Extreme DT 7:30 PM Juventud Tanki Leendert
Diabierna 13 di October Old Parr DT Trappers DT 7:30 PM Balashi Beer Garden
Diasabra 14 di October Noord Star DT Extreme DT 7:30 PM Riverplate (Oranjestad)
Diasabra 14 di October Old Parr DT Trappers DT 7:30 PM Riverplate (Oranjestad)
Diadomingo 15 di October Noord Star DT Extreme DT 7:30 PM Riverplate (Oranjestad) Si ta necesario
Diadomingo 15 di October Old Parr DT Trappers DT 7:30 PM Riverplate (Oranjestad) Si ta necesario