E website renoba di Aruba Bank ta presenta funcionnan manera optimalisacion pa uzo di tur “browser”, tablet y smartphone. E website ta provee un experiencia di cliente superior, cu instrumentonan y funcionnan avansa. Acceso rapido na tur aplicacion online pa tur producto y servicio, incluyendo e formulario “Become a New Customer”.
Algun di e caracteristicanan unico di e website nobo ta funcionnan interactivo manera activa bo carchinan di banco, registracion of aplicacion como cliente nobo, declara carchi perdi of horta, funcion pa maneho di cuenta. E funcion di “search” ta mehora pa resultadonan mas rapido y exacto y pues resultando den nabegacion cu mas facilidad. Diseño simplifica cu ta provee nabegacion extremadamente facil pa e usuario. Pa mas informacion, bishitawww.arubabank.com pa admira e seleccion di solucionnan financiero nobo y videonan di demostracion di e funcionnan nobo di Aruba Bank Online y Aruba Bank App.
Tocante Aruba Bank Online Nobo:
Funcionnan ofreci pa medio di Aruba Bank Online ta inclui pagonan online, check saldo di bo diferente cuentanan (Coriente, Spaar, Prestamo, Credit Card), transferencia di placa pa Cuenta di Prestamo, transferencia di placa pa otro cuentanan local of internacional, download resumen di cuenta (statement), upload perfil personal, maneha “address book”, haci notificacion di biahe, peticion pa Check Book, para pago di check, activa “Text Banking” y blokia cuenta. Cu Aruba Bank Online clientenan tin e opcionnan di “Aruba Bank Hard Token” y “Aruba Bank Soft Token”. Aruba Bank Token ta ofrece clientenan un di dos proteccion pa nan siguridad den uzo di nan cuenta. E no por wordo uza sin e PIN, cual ta haci’e inutil pa otro persona si e wordo perdi of horta. Cu Aruba Bank “Soft Token”, e informacion financiero semper ta protegi. Cu e uzo di su PIN, e Aruba Bank App ta genera cada biaha cu e cliente “log in” un password cu por wordo uza un biaha so. Por fabor bishita www.arubabank.com pa wak e videonan di demostracion di funcionnan di Aruba Bank Online.
Tocante Aruba Bank App
Aruba Bank App ta diseña specialmente pa clientenan di Aruba Bank pa nan haci uzo di dje pa maneho di un variedad di transaccionnan financiero. For di e “Home Screen” clientenan por check nan saldo di cuenta y historia di transaccionnan di cada cuenta, transferi placa entre nan mesun cuentanan y transferi placa pa otro cuentanan local. Tambe clientenan por maneha nan “Address Book”, localisa e mashin di ATM mas cerca cu nan “ATM locator”, check tarifanan di cambio di placa di exterior, manda notificacion di biahe pa sigura cu e cliente su carchinan por wordo uza durante biahenan den exterior y genera codigonan di siguridad pa cuminsa “login” pa Aruba Bank Online of aproba un peticion di transferencia riba Aruba Bank Online. Pa mas informacion bishita www.arubabank.com pa admira e videonan di demostracion di e funcionnan di Aruba Bank App.