Webinarnan organisa door di IDEA tawata un exito

Departamento di Asuntonan Economico, Comercio y Industria mediante su unit di Iniciativa pa Desaroyo pa Empresa Arubano (IDEA) a organisa diahuebs, 23 di juli, un webinar pa e sector primario.

Sra. Judella Trim, Business Development Advisor, a presenta e webinar aki cu e tema:
“Guia con pa scirbi un Business Plan pa agricultor”.

Topiconan cu a presenta tawata lo siguiente:
1. Kico ta un Business Plan;
2. Dicon bo mester di un Business Plan;
3. Kico ta para den un Business Plan;
4. Splicacion di SWOT Analyse;
5. Instrumentonan pa un bon Marketingplan;
6. Plan Financiero.

Sra. Trim a termina e presentacion cu un bon conseho:
“Semper tin un ‘Plan B’, pa caso di cambio y puntra bo mes con un cambio por afecta ‘Mi Negoshi’: Cambio por ta:
• Technologia;
• Regulacion di Gobierno;
• Economia;
• Pandemia.

E seccion di pregunta y contesta a bay super bon. Tur contesta di e participantenan a haya un contesta na final di e presentacionnan.

E webinar aki a haya un participacion di en total di mas o menos un 30 persona. IDEA ta sumamente contento cu e contenido y acogida di e webinar y tambe di e bon comentarionan ricibi di su participantenan.

Diahuebs awo, dia 30 di juli, IDEA lo organisa su siguiente webinar pa e sector primario cu lo tin e tema di ‘Organic Farming’ y lo wordo presenta door di Urvin Leest doño di ‘miSimia’.

IDEA kier remarca cu nan lo sigui organisa mas webinar cu lo ta dedica na un y tur cu kier cuminsa un negoshi of cu tin un negoshi existente y kier educa nan mes riba diferente topiconan comercial.

Un danki na tur esnan cu a join e webinar aki. Keda pendiente pa mas eventonan den aña 2020 organisa door di IDEA. Por sigui nos riba Facebook page @Idea-Aruba pa mas webinar y otro actividadnan di IDEA den futuro.

Comments

comments