WEB tin un laboratorio cu ta hopi bon, y actualmente Santa Rosa ta haciendo cierto testnan, pa loke ta salinity. Sra. Nathaly Maduro, directora di Santa Rosa, ta splica.
Landslaboratorium ta yudando Santa Rosa pa haci e testnan di bacteria, pero cu’n partner manera WEB cu por haci testnan mas avanza, pa loke ta nan awa mes, Santa Rosa lo por garantisa cu e ta di bon calidad pa loke ta trata e uzo den sector di agricultura y cria.
Pa loke ta trata di documentacion,departamento di agricultura Santa Rosa ta bezig preparando un documentacion solicita pa minister Chris Romero, cual lo mester keda cla na luna di Maart unda cu nan ta trahando cu cierto informacion ainda. Despues lo wordo presenta kico lo ta e diferente stepnan cu Santa Rosa lo bay tuma y e strategia cu mester wordo implementa.
Santa Rosa ta buscando actualmente un bon opcion den e parti logistico pa por traha riba e awa, cu no lo bay cay hopi pisa economicamente y den parti financiero ni pa departamento di agricultura, pero tampoco pa gobierno. E tin cu bira un facilidad cu ta yuda , djis haya algun facilidad pa por traha den miho manera y tin tambe algun stakeholder cu kier contribui na e causa aki.E awa cu nan ta uza pa e backwash, manera cu nan ta yame, cu eigenlijk ta un awa cu ta limpi. Pero ora cu haci cierto testnan cun’e, despues di un proceso, e no ta awa limpi mas y WEB ta mantene su calidad hopi halto.
Pero pa loke ta e parti di agricultura, e ta un awa cu ta bon pa uza. Nan lo haci cierto testnan cu e awa ey, djis pa duna garantia extra cu e awa no tin niun tipo di salo, ni nada di eseynan, segun Sra. Nathaly Maduro, directora di Santa Rosa.