Web ta pidi pa clientenan tin tur recibo paga y evita desconexion

Sr Carlos Geerman ta encarga cu servicio na cliente na Web Aruba Nv kier a informa clientenan y henter e comunidad di Aruba pa corda cu awa ta e prome necesidad y e pago mester ta e prome tambe, debi sin awa hende no por biba. Ta pidi pa paga bo recibo di awa na tempo y evita cu problema den futuro, pa loke ta december pa ultimo dia pa paga e recibo ta e recibo di October y ta caduca 9 December.

Pago Online

Sr Carlos a duna di conoce esnan cu ta haci uso di pagonan via Online ta bon pa yena e informacionnan corecto e parti di e number di cuenta cu ta poni riba e recibo number di percela y ta e numbernan cu ta bay via nos sistemanan automatisa y ta bay directamente den nos sistema. TIn banco cu tine otro manera pero si yene corecto nos ta haye di biaha.

 

Cuenta habri

Pa loke ta cuentanan habri un cliente nos ta dunanan maximo dos areglo pa aña di cual e cliente mester haci e prome cu tin paga e downpayment di 40% y e resto e por paga tur luna den un termino di 5. Si e cliente no cumpli cu e prome areglo di pago e no ta haya e di dos, y ta un regla simpel y straight di parti Web Aruba nv.

Deconecta servicio

Sr Carlos a duna di conoce pa loke ta clientenan cu tin cuenta habri y prome cu desconecta e servicio Web Aruba actualmente ta lagando carta atras pa algun dia prome avisando e cliente di e suma habri, pero tin cu remarca cu pa 2020 ta bay cambia e proceso unda cu no lo tin previo aviso mas. E proceso ta cuminsa 1 Januari 2020 y ta nos ta informando tur cliente pa tres luna sigui cu no lo tin carta di aviso mas.

Loketnan habri

Nos loketnan pa December lo keda habri mes un horario di semper cu ta 7:45 te cu 3:45 atardi nos no tin break.

Comments

comments