Sindicato TOPA a bin ta pasando ariba algun documento cu nan por a haya riba e tuberia di gas, cu e tempo aya, den e proyecto EcoTech/WEB di gas, cu no a sigui.
Pa locual ta informacion y documentonan, e suma di locual cu e trabao cu supuestamente no a sigui akinan, tin un valides di 17 miyon florin total. TOPA ta puntra ta con por ta posibel cu un director di WEB, mirando cu tin un proyecto di tuberia di gas, cu ta core di Ecotech te cu WEB, awendia tin un contractbreuk, e director no ta busca manera pa cobra Ecotech e 17 miyon pa a kibra e contract. Esaki ta un falta di respet, mirando e hecho cu ta papiando di baha e consumo di awa y electricidad pa cu pueblo, pero di otro banda ta wak un proyecto unda cu tabata tin un kiebro di contracto. Pero WEB no ta interesa pa mustra e interes pa bay bek na e comerciante aki, cu tabata tin interes pa bin cu e proyecto aki y cobr’e basa ariba e kiebro di contract. Ta papia di 17 miyon florin cu a bay perdi, den un proyecto cu no a bay door. Awo ta bisa, cu kier tira culpa ariba gobierno. Pero gobierno no tin e culpa, pasobra cu tin un herarkia, despues di WEB cu tin un caminda cu mester encamina. Ainda tin e Raad van Commisaris, tin e parti di Utilities NV y e parti di gobierno.
Despues di e sucedido, unda a kibra contract, cu e proyecto entre WEB y Ecotech no a sigui, mester a schakel in Raad van Commisaris, pa despues bay Utilities NV y na final acerca gobierno e parti di shareholder di mas grandi den e compania, tuma un decision pa kico ta bay wordo haci, di e kiebro di contract. No por ta asina cu e pueblo di Aruba ta wardando pa e bahamento di awa y coriente, gobiernonan anterior, cada biaha cu esaki wordo menciona, algo ta pasa cu e no ta sigui. Pero tabata tin un proyecto unda lo a suministra gas na WEB, pero no a continua. Pero awo WEB NV no kier bay cobra e comerciante e daño cu a wordo haci door di a kibra e contract.
Sr. Rene Bernabela, di TOPA, director di WEB NV mester asumi su funcion, e mester bay cobra e 17 miyon florin pa a kibra contract ocasiona dor di Ecotech. Ya caba pueblo ta pagando un prijs halto pa consumo di awa y coriente. Pero ta parce cu WEB no tin pensa di bay cobra e comerciante.
TOPA ta haci un apelacion na e Raad van Commisaris di WEB y Utilies NV pa nan tambe tira un bista den e asunto aki, y busca un solucion pa cu e asunto aki, segun Sr. Rene Bernabela, di sindicato TOPA.