Den oranan di mainta varios bario rond di Aruba a keda sin coriente esaki a pone cu tanto personalnan di WEB Aruba Nv, y Elmar Nv a drenta accion di biaha. Web Aruba Nv riba nan facebook a informa cu nan a experencia fayo den produccion di coriente.
Esaki ta debi na un caida grandi y diripiente di biento y lo tuma mas o menos 2 ora pa e suministro di coriente recupera completamente ora cu e planta a tuma esaki over. Pa 12:40 merdia Web ta informa cu e produccion na nan planta ta 100 %
Elmar tambe a informa ora cu coriente a bay den varios area unda e puntanan ta informa unda cu no tin coriente, y di biaha a pone tecniconan riba pia pa traha riba e situacion y brinda coriente bek na e comunidad.