Si encaso bo lubida bo recibo di awa, bo ta manda bo saldo pa 4200 y ta haya e informacion riba bo celular cu ta bisa kico ta bo amount cu bo tin cu paga e siguiente luna. Na e mesun momento ta manda e number di percela. Esey ta loke ta duna e persona na bali, pa asina aki por procesa e pago, segun Giovanni Bermudez di WEB. Tur cos ta facil awor aki cu e sistema di SMS, den algun seconde bo tin informacion na man pa bo por haci bo pago. Esaki ta informacion di WEB so, segun Bermudez. Eventualmente WEB lo contempla un joint venture cu Elmar, si e demanda ta pidi pa esey.
Tin un serie di caracteristica cu lo bay wordo introduci den e proceso. Despues di e saldo lo bay introduci ora cu e factura ta sali fin di luna, automaticamente ta hay’e via un notificacion. Tambe lo tin posibilidad ora tin trabaonan di mantencion, interupcion etc. cu tambe ta bay via pushnotification, via e sistema di SMS. tin algun otro caracteristica tambe den mente cu lo bay ta introduciendo den e proximo lunanan.
E meta ta pa informa e cliente pa e por comunica na un manera mas facil. Sa cu tin biaha ta dificil ora cu ta yama, e callcenter, vooral den e dianan cu ta hopi druk, cu e yamada no ta pasa. Esaki ta yuda den e proceso, segun Bermudez.
E ta sigui splica cu e sistema di banco, esey no tin e control riba dje. Ta trahando si riba diferente banco pa yega na solucionnan pa speed up e proceso. Pero awor aki, e manera cu e banconan ta traha, WEB tambe ta traha. Una bes cu haya e informacion, e ora ta procese den e sistema, Bermudez a splica.