Dia 22 di maart, ta dia cu Nacionnan Uni a proclama como Dia Internacional di Awa. Esaki ta e di 26 biaha cu ta celebra e Dia Mundial di Awa. Tur aña nan ta scoge un tema y e aña aki e tema ta ‘Leaving no one behind’.
Sra. Asja Dongen, vocero di WEB Aruba NV a splica cu tur hende tin derecho ariba awa di bebe. Unda cu bo ta, ken cu bo ta, bo tin derecho di awa di bebe sano. Pa WEB Aruba NV esaki kiermen cu tur ciudadano di Aruba mester tin accesibilidad na awa. Dus, nan mester tin e posibilidad di un meter di awa. Mester sigura nos mes cu ta ofrece cu ta ofrece awa di calidad y liber di contaminacion. WEB Aruba NV ta haci esaki 24/7. Nan ta desalina e awa di lama. Nan ta sigura nan mes di haci e testnan di laboratorio, mantencion ariba e tuberia cu ta full rond di Aruba. Dus pa e pueblo eigenlijk, e ta bon un para keto un rato, semper con bendiciona nos ta como isla.
Como isla, awa di lama no caba nunca y nos isla ta rondona door di lama. Y WEB Aruba NV ta haci su best di desalina e awa di lama ey, y comberti e awa den un awa di bebe sano. Esey ta e mensahe di WEB Aruba NV pa cu e Dia Mundial di Awa na Aruba.
Sra. Dongen a sigui bisa cu WEB Aruba NV tin un programa specificamente dirigi ariba hobennan di tur nivel, vooral di e klasnan di Ciclo Basico. Nan tin programanan cu ta splica kico e proceso di awa ta. WEB ta duna tournan regularmente na gruponan di scol. Ta duna charla na scolnan basico. Eigenlijk, e ta un proceso cu nunca ta stop. Semper ta purba di splica mas tanto con e proceso ta hinca den otro. Tin hobennan tambe, vooral aworaki cu ta hopi interesa den produccion sostenibel. Pero tambe con por recicla awa. Den e trayecto aki, WEB Aruba NV ta purba guia e hoebnnan den kico WEB ta haciendo caba pero tambe kico por haci den futuro.
Den cuadro di Dia Internacional di Awa, WEB Aruba NV. tin un trayectorio hopi largo. Locual cu WEB a haci ta di contribui na stichting Rancho, caminda cu nan a Adopt an Alley, manera nan proyecto yama. Un di e alleynan ey, ta e Hanch’i Awa. Y den e hanchi aki na Rancho, tin e tanki di awa cu ta data for di 1905. Y cu e contribucion financiero cu WEB a haci na e proyecto, nan a restaura e tanki y diabierna a tuma luga e apertura di e Hanch’i Awa. Te asina leu, Sra. Asja Dongen, vocero di WEB Aruba NV.