Hour of Code ta un evento internacional cu tur aña den prome siman di december. E ta un iniciativa pa stimula muchanan, hobennan pa pensa critico, pensa den busca solucion. Sra. Asja Dongen, vocero di WEB Aruba NV ta amplia.
Y durante e Hour of Code, via weganan di computer, nan ta haci esaki. Pero den temanan pa atrae na nan, den Frozen, Mine Craft, Fortnite. Dus, na un manera di wega, nan ta siña kico e coding, e computer science ta come y bebe. E alumnonan di Colegio Santa Famia a wordo hiba pa WEB Aruba NV, dor cu nan a wordo acerca door di FUTURA, cual ta e bureau di innovacion cu e idea y un invitacion pa WEB participa. E ora a scoge pa invita un scol pa WEB, cu tin e facilidad, tin e computer.
Asina tabata facil pa ofrece e scol, e evento aki. E ora no a bay mucho leu di cas, cu ta Colegio Santa Famia na Pos Chikito. Tabata tin dos sesion den oranan mainta, cu klasnan 6. Y despues esaki a wordo sigui pa dos grupo di klas 5. E reaccion tabata uno tremendo, segun Sra. Asha Dongen, vocero di WEB, cu a sigui bisa cu e evento na cuminsa diaranson, pero a acerca e scol y a papia cu e maestronan, a splica e maestronan e idea. E maestronan a guia e muchanan caba ariba e computer, ariba un website internacional, cu ta code.org.
Ora cu e hobennan a bin WEB, tabata tin full un grupo di colega cla pa guia e muchanan, pero a resulta cu ta e hobennan a guia e trahadonan di WEB.
Durante e Hour of Code e muchanan ta haya e gana di siña con pa traha cu computer. Tur cos ta computer awendia, a splica e muchanan cu sin computer no por produci awa y coriente. Dus cu henter e idea aki, nan a wordo inspira y Sra. Dongen ta spera cu e no ta caba na e Hour of Code. Pero ta spera cu nan ta bay cas y mustra nan mayornan, ya cu nan por drenta ki ora cu ta, unda cu ta, ariba cualkier computer. Ta urgi scolnan pa sigui cu e coding pa e muchanan keda entusiasma y naturalmente, sino nan no ta WEB, nan lo ta hopi gradicido si nan scoge un estudio den direccion di tecnica, Sra. Asha Dongen, vocero di WEB Aruba NV a finalisa bisando.