METER DI AWA BENTA DEN SPAANS LAGOEN – Recientemente a haya 7 meter di awa benta pa nort y pa zuid di brug di Spaans Lagoen. Muy probablemente esaki ta relaciona cu ladronisia di tubo di koper. Ladronnan ta kita e tuberia di koper for di meternan di awa y despues ta bende e koper y benta e meter di awa afo. Danki na un ciudadano atento WEB a bin haya sa di e acto aki y ta keda den alerta pa ladronisia di tuberia. Ta haci un apelacion na comunidad pa sea alerta. Si ripara algun situacion straño relaciona cu tuberia di awa, mesora notifica polis y despues departamento di storing di WEB na 525 4300. 𝗛𝗼𝗿𝘁𝗮𝗺𝗲𝗻𝘁𝗼 𝗱𝗶 𝘁𝘂𝗯𝗲𝗿𝗶𝗮 𝘆 𝗺𝗲𝘁𝗲𝗿 𝗱𝗶 𝗮𝘄𝗮 𝘁𝗮 𝗰𝗼𝗻𝘁𝗿𝗮 𝗹𝗲𝘆. 𝗖𝘂𝗺𝗽𝗿𝗮𝗺𝗲𝗻𝘁𝗼 𝗱𝗶 𝘁𝘂𝗯𝗲𝗿𝗶𝗮 𝗵𝗼𝗿𝘁𝗮 𝘁𝗮𝗺𝗯𝗲 𝘁𝗮 𝗰𝗼𝗻𝘁𝗿𝗮 𝗹𝗲𝘆.