Un di e kasteelnan di siglo 18 mas conoci di Inglaterra, Blenheim Palace, ta centro di atencion den un caso di ladronicia caminda cu Polis ta haciendo investigacionnan profundo den esaki. Segun medianan di comunicacion un di e articulonan cu a wordo horta ta un wc di oro solido cu a wordo instala den e kasteel na aña 2016. E diseñado Italiano, Maurizio Cattelan a traha e wc aki di oro solido pa pone den un di e bañonan di e kasteel. Segun informacion e wc aki di oro solido tin un balor di 1 miyon Euro y a wordo exponi djis dos dia pasa pa tur bishitante di e kasteel por a pasa mira. E kasteel ta keda na 90 kilometer noroeste di London y tabata e lugar di nacemento di Winston Churchill (1874-1965). Medionan di comunicacion a informa cu prome cu 5’or di mainta e ladronicia a wordo haci y e meldin di esaki a wordo haci. Mesora a jega na e sitio y a cuminsa investigacion. No ta conoci si a logra recupera e wc paso nan no ta dunando e informacion aki na prensa.