Diadomingo den careda di 9 or anochi habitantenan di Balashiweb cu ta biba pega cu Web a scucha un tiro y coriente a bay. Di biaha nan a teme cu tin problema den web unda cu e tiro tabata e causa cu coriente a bay den full e caya pero a yama elmar di biaha debi cu otro banda si tin coriente. A constata cu dos waya di coriente cu ta core di palo di luz pa otro den e cura di web pa caya di balashiweb a kibra y e waya aki cu coriente riba dje a cay riba e cura di hero di web y causa e tiro. Elmar di biaha a presenta na e sitio unda e personal a drenta accion rapidamente y core e waya di coriente cu a kibra pa e bisindario haya coriente bek.