Diaranson atardi na Eagle Beach tabata tin basta turista tanto na canto y den lama. Manera custumber algun waverunner lo ta core den e area unda turistanan ta landa y algo a bay robes cu un di e personanan local encarga cu watersports coriendo duro cu e aparato riba lama a dal cabes di un turista cu tabata den awa y lage herida. Ambulans a presenta cu urgencia na e sitio pa atende cu e victima y a keda transporta pa hospital. Tanto strandpolitie y maritiem a presenta pa tuma dato y a hala atencion fuertemente di e coredo di e waverunner.