Wardakosta lo keda patruya intensivamente riba laman

Awor cu e medidanan di COVID-19 ta ser de-eskala riba Aruba, Boneiro y Corsou mester kedaalerta. Na e momentunan aki Sur America ta un di e fuentenan di mas grandi di e virus di corona y na Venezuela tur dia e cantidad di personanan infecta ku COVID-19 ta subi. Esaki ta un motibo pa Wardakosta sigui monitor y vigila e fronteranan di Aruba, Boneiro y Corsou. E intensificacion di e patruyanan ta principalmente pa controla e traficacion ilegal di mercancia y personanan cu ta haci intento pa yega e islanan ilegal cu entre otro droga, municion y cu risico cu e personanan por ta infecta cu e virus di COVID-19. Wardakosta ta pone tur su unidadnan disponibel pa asina garantisa
siguridad den e awanan teritorial di Aruba, Corsou y Boneiro. E patruyanan ta ser eherce
conhuntamente cu unidadnan di Defensa riba lama y riba tera.
Wardakosta ta keda aplica ley y detencionnan na momentu cu personanan indocumenta purba drenta e islanan di forma ilegal. Tur e persona y contrabanda lo ser entrega na polis pa haci mas investigashon. Abo como ciudadano alerta tambe por yuda Wardakosta. Na momento cubo mira algo sospechoso riba lama of na kosta, bo por informa Wardakosta riba e number 913. E number aki ta alcansabel di dia y anochi. Hunto nos por proteha e laman y e awanan di nos isla.

Comments

comments