Diadomingo mainta trempan e Rescue and Coordination Center (RCC) di Wardacosta di Caribe a detecta un boto den awanan teritorial di Venezuela cu ta biniendo Aruba. Mesora a notifica e punto di sosten di Wardacosta na Aruba cual a manda un team di Metal Shark. Na yegada di e Metal Shark a constata cu ta trata di un boto lokal y cu tawata tin 6 persona abordo. E capitan,
a declara cu e la bai busca 2 persona cu tawata pega na Venezuela. Despues di investigacion a resulta cu 1 persona abordo ta ser busca pa autoridadnan local pa un atraco cu e la comete.
E personanan abordo a bay den cuarentena obligatorio pa dos siman pa e hecho cu nan tawata tin contacto cu personanan di Venezuela riba lama. E tripulantenan a viola ley pasobra no ta permiti traspaso di mercancia ni persona di un boto pa otro den awanan teritorial di Venezuela. E medida aki a ser tuma pa evita contaminacion cu COVID-19. E investigacion den e caso aki a ser ehecuta hunto cu Douane, MEDWORKS y Cuerpo Policial Aruba. E boto a wordo tuma den beslag pendiente pa mas investigacion y e persona busca pa autoridad a ser entrega na Cuerpo Policial Aruba.