E botonan di wardacosta di China y Filipina a dal den otro awe mainta den un zona den disputa di South China Sea, segun Associated Press.
E parti Filipino a declara cu na momento cu su embarcacionnan tabata escoltando e barconan civil te na un di e atolonnan, a bin topa cu e resistencia Chines. Jay Tarriela, vocero di wardacosta di Filipina, a acusa un boto di e gigante Asiatico di realisa “maniobra peligroso” y lokia BRP Sindangan, di e Wardacosta di su pais.
Segun a informa, e boto Filipino a sufri “daño structural menor” y un atake cu cayon di awa di parti di e boto Chines, cu a herida cuater tripulante.
Di su parti e representantenan Chines a afirma cu e boto di Filipina “a maniobra deliberadamente den un colision leve” cu nan barco a pesar di e advertencianan.
E incidente a tuma luga den un contexto di aumento di e tensionnan entre Filipina y e gigante Asiatico, durante cual Peking y Manila a intercambia acusacion den e ultimo lunanan p’e enfrentamentonan di boto di pesca, wardacosta y otro embarcacion den South China Sea, un “gang” of coredor comercial strategico caminda ambos pais tin demanda pareu.