Recientemente Centro Operacional Maritimo (MOC) di Wardacosta, a ricibi un mensahe pidiendo asistencia medico. Ta trata di un pasahero Aleman di 66 aña di edad riba un barco crucero, biniendo for di direccion nort di Aruba.
Inmediatamente a tuma contacto cu doctor na warda di CITRO, cu a constata (despues di a evalua e situacion cu e team di medico riba barco) cu ta trata di un ataca (stroke). Inmediatamente a manda e helicopter pa evacua e persona.
E miembronan di ambulance a ricibi e pasahero na Aeropuerto Internacional Reina Beatrix y a hiba e turista hospital, pa ricibi tratamento medico.
