Den ora di atardi bispo di aña, Centro Operacional Maritimo (MOC) a ricibi un notificacion di un turista femenino cu a bay snorkel for di ora nan di mainta y no a regresa.
Den cooperacion cu Cuerpo Policial (KPA) su helicopter y tambe e boto ‘Justice’ y e avion DASH di Wardacosta, a bay busca e persona den area di Commandeursbaai.
Helicopter di KPA a logra identifica e persona den lama. Otro turista a asisti e persona p’e por e sali for di awa. Personal di ambulance a transporta e turista pa ricibi trato medico na hospital. E persona ta den bon condicion.