Diamars anochi, Centro di Operacion Maritimo (MOC) a detecta un boto entre Klein Curacao y Corsou a traves di radar. E boto sospechoso a wordo identifica uzando e DASH (avion), despues di cual nan a yama e Metal Shark pa un mayor interceptacion.
Esaki a revela cu e boto tipo Yola tabatin 34 persona indocumenta abordo, consistiendo di 24 hende homber, 9 hende muhe y un mucha di 2 aña, tur di nacionalidad Venezolano.
Despues e Metal Shark a debolbe e pasaheronan sano y salvo pa Corsou caminda cu a entrega nan na autoridad di Cuerpo di Polis di Corsou (KPC).