Durante un operacion reciente, Wardacosta di Corsou, den nomber di fiscal, a confisca 29 gay di pelea. E accion aki a tuma luga durante un control di rutina riba un boto cu a sali for di Aruba, detecta pa Centro di Operacionnan Maritimo (MOC) di Wardacosta dia 31 di januari.
Un boto di patruya cu Metal shark a wordo manda n’e boto, durante cu e wardadonan di costa a haci un inspeccion y a verifica e documentonan a bordo. E documentonan a mustra cu e boto lo a exporta 37 galiña y gay bibo pa Corsou, pero en realidad tabatin 29 gay di pelea abordo.
E tripulacion a indica cu nan destino final tabata Boneiro, no Corsou. Tanto Corsou como Bonaire ta prohibi importacion di gay di pelea.
Despues di e control, Wardacosta a ofrece e capitan dos opcion, den consulta cu Ministerio Publico: pa bay bek Aruba cu e gaynan of pa Wardacosta confisca nan. Despues di a consulta cu e doño di e gaynan di pelea na Boneiro, el a dicidi di separa for di e animalnan. Despues, e gaynan a wordo confisca riba ordo di e Ministerio Publico. Despues di e confiscacion, e animalnan a wordo hiba na Servicio Veterinario.