Curacao: For di eksperensha di pasado ta konosi ku durante di karnaval e kantidat di aktividatnan ilegal riba laman ta oumenta. Durante e periodo aki mas boto ta hasi intento pa yega tera ku kontrabanda. Pesei durante di e periodo di karnaval ku ta bini Wardakosta ta bai kontrolá i patruya mas ku e meta pa detene botonan sospechoso. Abo komo suidadano alerta tambe por yuda Wardakosta. Na momento kubo mira algu sospechoso riba laman òf na kosta, bo por yama Wardakosta riba e number 913. E number akí ta alkansabel di dia i anochi. Huntu nos por protehá e laman i e awanan di nos isla.