Diamars marduga durante patruyahe di Metal Shark team di Aruba warda costa a capta via nan radar un contacto yegando e costa di Westpunt, Arashi pa Tres Trapi. A mobilisa pa e sitio y a coordina cu e kustsurveillance di cuerpo policial di e contacto. Asina a mobilisa mas polis pa Arashi. Via radar a mira cu e boto a para menos cu 5 minuut na e costa di Arashi y a sali bek y asina e metal shark a sigui esaki y captura e boto cu dos homber abordo. Nan a duna di conoce cu a baha hendenan na e costa. E kapitan y su ayudante a keda deteni y e boto den beslag. Nan ta keda sospecha pa mensenhandel y mensensmokkel y a keda entrega na Cuerpo Policial y GNC.