WASHINGTON, D.C., Merca- Prome cu e submarino a logra bay bou di awa, tres agente di Warda Costa Mericano a bula ariba esaki.
Den un video publica diahuebs pa Warda Costa Mericano por wak un incursion al estilo pelicula cu su agentenan a protagonisa den Oceano Pacifico ora cu nan a intercepta un narcosubmarino. Manera den un pelicula di accion, e comando a aborda e submarino cu tabata den movecion, logrando confisca varios ton di cocaina na balor di 232 miyon dollar, segun NBC News.
Prome cu e submarino a logra bay bek bou di awa ora cu el a purba scapa, tres agente di Warda Costa Mericano a bula ariba dje. Den e video filma pa autoridadnan mes por wak un di e agentenan di Warda Costa ta bati cu su mokete ariba e parti ariba prome cu e homber cu tabata den e submarino a habri esaki y a entrega su mes.
E operacion total cu a wordo hiba a cabo door di e barco USCGC Munro di Warda Costa Mericano entre mei y juli, nan a logra incauta mas di 17 mil kilo di cocaina y mas di 400 kilo di marihuana. E balor di e droga confisca dilanti di e costanan di Mexico, Centroamerica y Suramerica ta wordo calucla na 569 miyon dollar.