Den oranan di anochi di diasabra 7 di april, e Centro di Coordinacion y Rescate (RCC) di Warda Costa di Caribe Hulandes (KWCARIB) a nota un embarcacion den awanan teritorial di Aruba. A meld esaki di biaha pa e punto di sosten di Aruba y un Super RHIB a drenta den accion pa identifica e embarcacion aki.Yegando cerca di e embarcacion, esaki a wordo haya sin cu nan tabata haci uzo di e lus di navegacion. A bay over na para e embarcacion.
A bordo a bin encontra cuater persona di sexo masculino di nacionalidad desconoci. Despues di e a detene e personanan abordo y sigura e embarcacion, esaki a wordo hiba pa e Steunpeunt di Warda Nos Costa na Savaneta pa un investigacion mas profundo. Durante e investigacion aki a bin haya varios pakete cu loke tabata parce droga.
E cuater cabayeronan, tur di nacionalidad Venezolano, a keda deteni. E embarcacion a wordo tuma den beslag. E paketenan y e detenidonan a wordo pasa pa polis. Esaki un biaha mas ta mustra e cooperacion cu ta existi entre RCC, Dash 8, avion di patruya di polis maritimo, Steunpunt Aruba y Cuerpo Policial Arubano cu a logra intercepta un gran cantidad di droga. E caso ta sigui bou di investigacion.