E Reddings en Coördinatie Centrum (RCC) di Warda Costa di Caribe Hulandes (KWCARIB) dialuna 18 di December a ricibi un notificacion di e barco di carga yama ‘Punta’ cu un miembro di su tripulacion a cay for di trapi ya perde conocemento.
Na e momento ey, Punta tabata situa na 60 miya noord di Corsou. E helicopter di Warda Costa , AW 130 cu un dokter di CIRTO mediko a bordo, a sali rumbo pa e barco ‘Punta’ pa duna asistencia na e herido. Na nan yegada di e sitio, despues di un chekeo a dicidi di trece e herido tera pa asina e wordo transport’e pa hospital. E helicopter por aterisa riba un luga bashi banda di stadion di Rif, despues cu polis a wordo informa. Ambulance tabata cla wardando yegada di e herido, pa asina bou di escolta policial hiba e pashent pa hospital. Su situacion ta critico.