WILLEMSTAD, Corsou- Diasabra anochi unidad di Warda Nos Costa Caribe Hulandes a detene 26 Venezolano indocumenta y a traspasa esakinan pa Cuerpo Policial di Corsou (KPC). E avion di patruyahe Dash -8 di Warda Nos Costa a detecta un embarcacion zuid di Corsou. Dos Super RHIB di punto di apoyo Corsou mesora a drenta den accion y asina intercepta e embarcacion aki 3 miya zuid di Corsou. Den e embarcacion tabata tin 26 persona abordo, tur di nacionalidad Venezolano. E boto a wordo hiba pa Parera. Akinan e Venezolanonan, 17 hende homber y 9 hende muhe a wordo entrega na Cuerpo Policial di Corsou, despues di a wordo ristra. E caso ta bou investigacion.