Diadomingo anochi, den careda di 6 or, Warda Costa di Caribe Hulandes a intercepta un boto tipo ‘go fast’ den cercania di Corsou, cu tabata purba huy na 30 km di costa.
A nota cu esunnan abordo di e go fast tabata purba deshaci di bultonan den lama. A tira di advertencia pa purba para e go fast pero a sigui un persecucion cu finalmente a bin para e go fast door di elimina e motor. Warda Costa a logra saca tur e bultonan for di lama y pa loke ta e go fast mes, a logra detene tur 5 persona abordo. Tanto e personanan deteni como e bultonan a keda entrega na polis di Corsou na Parera. Ta mustra cu e bultonan tabata contene droga.