Diabierna ultimo den transcurso di dia, Wardacosta den un accion hunto cu departamentonan di DVG, Warda nos Costa, Cuerpo Policial Aruba y DIMAS a haci controlnan riba charterboats, relaciona cu cumplimento di e decreto ministerial relaciona cu combatimento di COVID-19.
E controlnan a wordo basa riba conscientisacion di personal di e charterboats, manera higiena general, bistimento di ‘tapaboca’, uso di sticker abordo pa promove distancia social, uso di handsanitizer y e ‘green card’ pa esnan cu ta traha cu cuminda. Wardacosta kier recorda cu e decreto ministerial manera menciona ariba, ta conta pa usarionan riba lama tambe.
Wardacosta ta pidi tur persona pa mantene nan mes na medidanan di COVID-19 y tin bo documentonan di nabegacion vigente huntuo cubo y tene cuenta ku e medidanan di COVID-19 manera social distancing.
Tambe ta recorda capitan di boto pa haci mantencion regular na nan botonan. Pa propio siguridad na bordo mester tin: suficiente chaleco di salbabida, un flashlight cu bateria, un EHBO kit, sufisiente awa, aparato pa paga candela, VHF radio of un celular di charge. Evita un accidente of situacion peligroso riba lama cubo boto. Den caso cubo mester di yudansa bo por yama Wardacosta riba 913 of VHF radio 16. Gosa di lama na un manera safe.