Solognier di Kustwacht Aruba diabierna atardi a duna di conoce cu 8:30 anochi e melding a drenta cerca di Kustwacht cu tin un boto piscado cu dos persona abordo no a yega tera ainda. Dos hende homber riba e boto yama Rubia A-746 nan a bay pisca y ultimo contacto cu famia tabata den careda di 3’or atardi.
Kustwacht manera cu a haya e informe a bay den accion hunto cu helicopter di Polis a tene un buskeda, y despues di rato e avion Dash di kustwacht a lanta y a sigui cu e buskeda te cu marduga. No a logra haya nada, diabierna mainta e otro vuelo di dash a lanta y a sigui e buskeda te cu atardi. Hunto cu personal di Sarfa a logra haya un avion comercial pa sigui cu e buskeda, e area di buskeda a keda duna cu RCC, un area cu ta keda un 25 pa 30 miya noordwest di Aruba.
Pa diabierna anochi otro vuelo di dash lo lanta pa sigui cu e buskeda. E personanan a yama nan famia via celular cu nan ta lantando anker pa bin aden pero no tabata tin contacto mas. Guarda costa di Venezuela y Colombia tambe a keda poni na altura.