Warda Costa a intercepta boto cu 43 indocumento na bordo

Curacao: Diamars anochi e sistema di radar di Wardacosta a detecta un contacto sospechoso riba lama. E boto tabata nabega na un manera sospechoso direccion di Corsou. Esaki tabata motibo pa e Rescue and Coordination Center di Wardacosta manda un Metal Shark cu un tim di Wardakosta y Milisia di Corsou na bordo pa bay na e localidad di e boto sospechoso. Na momento cu a intercepta e boto a encontra 43 indocumenta na bordo. E grupo di indocumenta tabata tin dos macaco tambe hunto cu nan. Tur e Venezolanonan indocumenta cu a purba di drenta Corsou a ser entregaa na Cuerpo Policial di Corsou. E animalnan a ser entrega na servicio veterinario y personal di GMN tambe tabata presente pa teest e indocumentadonan riba COVID-19.

Wardacosta ta sigui cu patruyanan intensivo pa vigila y cuida e awanan maritimo di Aruba, Corsou y Boneiro. Wardacosta ta ehecuta e trabounan aki cu asistencia di Defensa den Karibe den forma di e barco di Marina Real Zr. Ms. Groningen y militarnan cu lo patruya riba tera. Wardacosta ta pidi yudansa di tur ciudadano cu detecta cualke situacion sospechoso riba laman of na kosta pa yama e number 913 di Wardacosta. Cu yudansa di ciudadano nos por mantene e siguridad riba lama y nos costanan.

Comments

comments