Warda Costa di Caribe Hulandes (KWCARIB) diadomingo 24 di September a ricibi un melding di Aruba Ports Authority (APA) cu un miembro di tripulacion di e tankero “Cano” lo a ricibi kemaduranan y cu e lo mester wordo baha cu urgencia for di e tankero pa tratamento medico.
Na e momentonan ey, e tanker tabata den e Transhipment Area. Un Super-RHIB di e steunpunt di Aruba mesora a sali pa bay brinda asistencia. Na nan yegada na e sitio nan a trece e miembro di tripulacion aki a bordo. Di biaha el a wordo hiba waf di Oranjestad unda cu un ambulance tabata cla pa transporta e victima pa hospital.