Dia 28 di April 2000, Stichting Perspektiva i Sosten Integral -Skuchami a wordo funda cu e meta pa mehora e cuido spiritual na Corsou. Den e cuadro aki, Stichting P.S.I.-Skuchami ta haci actividadnan di prevencion, promocion y curativo den e contexto aki. Salud mental na trabao tambe ta parti di esaki. Desafortunadamente, esaki ainda ta wordo sub- exponi. Un ambiente di trabao cu presion di trabao halto, falta di personal y un atmosfera negativo por conduci na problemanan di salud fisico y mental, of adiccion. Incluso, e eventonan repentino, manera horcan Irma, por causa un incertidumbre grandi cu tur e consecuencianan di esaki, incluso pa e campo laboral.
A base di esaki, Warda Costa a acerca Skuchami pa na final di September, comienso di October haci un evaluacion di e consecuencianan di horcan Irma, pa e trahadonan di Warda Costa. Un ekipo multidisciplinario, forma door di psikiatra, un psicologo y un empleado di e trauma team a entrega un informe riba e resultadonan di e ekipo di Warda Costa, riba e combersacionnan sosteni cu e empleadonan na St. Maarten.
Dia 10 di October ta Dia Internacional di Salud Mental. E ‘Organisacion Mundial di Salud’ a destaca e salud menatl na e luga di trabao e aña aki. E iniciativa di Warda Costa ta iguala esaki. Na Corsou, empleadonan por para keto un rato na e importancia di promove salud mental na bo luga di trabao. Por ehempel e ausencia pa motibo di malesa por wordo reduci cu un tratamento oportuno, reduci e progreso di esaki y mehora e satisfaccion laboral. E atencion structural di salud mental na bo luga di trabao por lo tanto, ta necesario. Skuchami ta spera cu esaki bira parti di e mente politico di organisacion y institucionnan na Corsou.