MERCA – Walmart, e number un mundial di distribucion, lo asocia cu Google pa bende su productonan online, ambos empresa a anuncia, di cual aliansa lo bay competi cu e lider di mercado, Amazon. “Desde final di September, nos lo bay traha cu Google pa ofrece cientos di miyones di articulo cu por wordo cumpra atrabes di e voz di Google Assistant,” un asistente personal, Marc Lore, hefe di comercio online di Walmart a skirbi, den un comunicado publica den e blog di e compania.
Walmart, cu ta priminti “e mayor oferta di distribucion disponibel riba e plataforma”, lo integra Google Express, cu ya ta permiti compra di producto den diverso empresa (Costco, Walgreen’s). di su parti Google, cual empresa mama ta Alphabet, a anuncia “cientos di miles di producto (…), desde detergente te na Lego,” atrabes di un comunicado di un di su dirigentenan, Sridhar Ramaswamy.
Sin bisa di forma explicito, e dos gruponan ta posiciona dilanti di e gigante Amazon.
Desde varios aña, Walmart tin cu encara e tendencia creciente di comercio online, cu ta acecha incluso den tiendanan fisico, tras di e compra na Juni di e marca biologico Whole Foods. Den su ultimo resultadonan trimestral, publica e luna aki, Walmart a preocupa analistanan di nobo cu su retraso dilanti Amazon, aunke su cifranan tabata superior na esunnan spera.
Google tambe a purba di gana tereno den comercio online, por ehempel integrando funcionalidadnan nobo na su asistentenan perosnal inteligente Google Home. Pero tur e esfuersonan aki ta situ’e ainda leu di e lider, Amazon.
Fuente: www.elespectador.com