Wallstreet ta habri cu ganashi diamars

0
RBC Juli 2018
Funmiles-2018

NEW YORK, Merca- Wall Street ta habri cu forsa diamars despues di cu e presidente Chines, Xi Jinping, a priminti di baha e invoerrechten na importacionnan di algun producto, calmando e preocupacionnan di e inversionistanan riba e aumento di tension comercial entre Washington y Beijing.
Dies di e 11 sectornan principal di S&P a subi durante e sesion, lidera pa e compania di tecnologia y energia. E tres indicenan bursatil di Merca a subi pa mas di 1.6% .
Den su prome comentario publico desde e comienso di e disputa comercial cu e gobierno Mericano, Jinping a priminti di habri e economia di e pais y a bisa cu China lo kita e limite di propiedad stranhero den e sectornan automobilistico, construccion naval y avion “mas lihe posibel”.
Su comentarionan a anima e mercadonan global cu tabata bou di presion despues di cu China y Merca a menasa otro di impone invoerrechten multimiyonario, cual ta haci e miedo di inversionistanan cu e medidanan proteccionistanan a afecta e crecemento economico mundial.
E accionnan di energia a subi hunto cu e prijs di petroleo cu ta riba 70 dollar pa bari [L1N1RN0ZQ]. E accion di e principal fabricantenan Mericano di auto manera General Motors, Ford, Fiat Chrysler y Tesla a subi entre 2 y 3 por ciento despues di e comentarionan di Xi.
Den e operacionnan di diamars mainta, e promedio industrial Dow Jones a subi cu 1.97%, na 24.453,78 unidad; S&P 500 a subi cu 1,65 por ciento, na 2.656,51 unidad; y Nasdaq a avanza cu 1,73 % na 7.072,22 unidad.
E accionnan Mericano lo enfrenta un prueba importante den e proximo simannan, ora cu e ganashinan corporativo di e prome trimester. Banconan grandi manera JPMorgan Chase, Citigroup y Wells Fargo lo haci esaki publico diabierna proximo.

Comments

comments

C: Heineken
new india