NEW YORK CITY, New York – E indice S&P 500 y e Promedio Industrial Dow Jones a cera cu poco cambio dialuna den e bolsa di New York, cu caida den e sectornan di energia y banco despues cu e tormenta Harvey a azota e centro energetico na Texas, mientras cu e papelnan tecnologico y di ciudado di salud a impulsa Nasdaq.
Harvey, e horcan mas poderoso den golpia e estado sureño aki di Merca den mas di 50 aña, ora cu el a toca tera diabierna, a provoca mas awasero na Houston y indundacion cu por empeora e medida cu e awa ta wordo libera desde embalse pa evita cu e ta supera e damnan y ta avansa sin control.
Analistanan a bisa cu apesar di e drama humano y e devastacion den e infrastructura, e mercado por tin consuelo den e hecho cu un enorme esfuerso pa e reconstruccion lo compensa mayormente e consecuencianan economico negativo di e inundacionnan.
E futuro di petroleo na Merca a cay un 2.5 porciento, na 46.68 dollar pa bari, ante e preocupacion di e ciere di e refinerianan, ta genera un incremento den e inventarionan di crudo.
E accionnan di Exxon y Chevron a cay un 0.3 porciento y un 0.4 porciento, respectivamente. E titulonan di Valero Energy a escala un 1.1 porciento.
E inversionistanan a busca activonan di refugio, pa loke ta oro, a escala na su mayor nivel den casi 10 luna. Pero e buskeda pa siguridad tambe a wordo compaña pa repuntenan di Home Depot, cu a avansa un 1.2 porciento y otro companianan cu por beneficia pa e reconstruccion di e zonanan afecta.
E promedio industrial Dow Jones a baha 5,27 punto of un 0.02 porciento, na 21.808,40 punto, mientras cu e indice S&P 500 a gana 1,19 punto of un 0.05 porciento, na 2.444,24 unidad.
E indice Nasdaq Composite, en tanto a subi 17,37 porciento of un 0.28 porciento y a caba na 6.283.02 unidad, danki na e impulso di e papelnan di Apple y Gilead Sciences.
E accionnan di Kite Pharmaceuticals a escala un 28 porciento, na 178,05 dollar, despues cu Gilead Sciences a acorda e compra di e firma specialisa den e desaroyo di inmunoterapia Kite Pharma Inc. den un acuerdo en efectivo pa 11.900 miyon di dollar.
Fuente: www.reuters.com