NEW YORK CITY, New York- Diamars Wall Street a cera cu fuerte perdidanan y e Dow Jones Industrial, su principal indicador a cay cu 1.07%, lastra pa e situacion geopolitico despues di e ultimo ensayo nuclear di Noord- Korea.
Na ciere di su operacionnan, Dow Jones a cay 234,25 punto y a termina na 21.753,31 punto, mientras cu S&P 500 a cay cu 0,76% te na 6.357,57 punto.
Despues di e keda cera dialuna door di Labor Day na Merca, e operadornan den e parke Neoyorkino diamars a aposta claramente pa venta.
Diadomingo Noord- Korea a realisa su di seis ensayo atomico y esun mas potente te cu awo, cu un artefacto termonuclear, un supuesto bomb di hidrogeno, cu, segun Pyongyang, lo por wordo instala den un di su misilnan balistico intercontinental.
E intensificacion di e pruebanan armamentistico di parti di Noord- Korea un biaha mas ta genera condena di e comunidad internacional y e ta menasa cu cuminsa un subida di tension armamentistico den e region.
Na final casi tur e sectornan di Walls Street a cera den cora, entre cual a destaca mas e financiero (-1,52 %), e tecnologico (-0,97 %), e industrial (-0,82 %) of esun di materianan prima (-0,58 %), mientras cu e energetico a subi (0,32 %).
United Technologies (-5,68 %) a lidera e perdidanan entre mas di dos tercio di e trinta puntonan di Dow Jones, un dia despues di a anuncia cu el a cera un acuerdo pa cumpra Rockwell Collins, un operacion di 23 miyon dollar.
Entre esunnan cu a perde mas di un punto y mey tin medio Travelers (-3,74 %), Goldman Sachs (-3,59 %), JPMorgan (-2,39 %), Cisco Systems (-2,11 %), General Electric (-1,55 %), mientras cu a subi Walmart (1,86 %), Home Depot (1,43 %), Exxon Mobil (0,85 %), Chevron (0,63 %), Coca-Cola (0,31 %), Procter & Gamble (0,22 %) y Disney (0,10 %).
Na cierre di e sesion bursatil, e petroleo di Texas tabata cambia na 48.57 dollar, oro tabata avanza na 1.345,3 dollar pa ons y dollar tabata perde tereno dilanti di e euro cu tabata wordo cambia na 1,1913 dollar.
Fuente: https://www.elconfidencial.com