HUNTINGTON BEACH, California – Un waiter di California a wordo kita for di trabaou despues cu el a pidi clientenan di un restaurant na Huntington Beach prueba di nan residencia ora cu nan a ordo bebida.
E intercambio a sosode na pub-cafe Saint Marc, dia 11 di Maart, segun KABC, afilia na CNN.
“E hecho cu el a bisa “mi mester ta sigur pa bosonan ta di aki prome mi sirbi boso,” tabata completamente inaceptabel,” Diana Carillo a skirbi riba Facebook, despues di a bishita e restaurant riba e caminda di e costa Pacifico diadomingo ultimo cu dos amigo.
Como respuesta na e comentario riba e incidente, e restaurant a contesta for di nan cuenta di Facebook, verifica:
“Di ningun manera e accionnan di e exempleado aki ta representativo di e marca Saint Marc, ni tampoco ta refleha e opinionnan di ningun hende di nos ekipo, incluyendo e direccion ehecutivo,” e restaurant a laga sa. “Semper nos a celebra di ta parti di e diverso comunidad di Huntington Beach, loke ta nifica balora tur nos clientenan y trata cada individuo cu respet.”
E incidente a sosode den e pub-cafe Saint Marc na Huntington Beach, California.
Den e publicacion, Saint Marc a bisa cu e incidente tabata “hopi desafortuna” y a bisa cu “e empleado cu a comete e falta” a wordo kita for di trabao.
“Mi a mira mi amigo y su ruman muhe y a bisa ‘realmente el a puntra nos esaki?” Nan a bisa cu si, nan a puntranan e mesun cos,” Carillo a bisa KABC. Despues di a keha cu e manager di e restaurant, cu a bisa cu nan por sinta den un otro seccion (di e luga), KABC a repota.
Perturba pa e incidente, e trio a laga e luga prome cu nan a come, segun e afiliado di CNN.
Pa compensa nan, e restaurant a bisa cu nan a contacta Carillo y tin planea pa haci un donacion na e Comunidad di Imigrante di e condado di Orange, un organisacion di caridad selecciona pa Carrillo.
Fuente: CNN en Español