Kehonan cu ta drenta cu trecemento di arga di afo ta birando mas caro pa cual aki presidente di Camara di Comercio, Daphne Agius-Cesareo Lejuez ta splica kico a palabra cu minister di economia.
A compronde en berdad cu tin retonan pa locual ta e waf na Barcadera, manera ya ta conoci. Cuminsando tambe cu e ubicacion cu ta rekeri mas costo y ta haci e importacion un tiki mas caro. Pero esakinan ta cosnan cu den futuro lo bay delibera cu diferente departamento pa mira kico por haci cu esaki.
Cualkier cos cu lo wordo importa lo tin su efecto riba dje si e costo pa importa ta subi. Camara di Comercio a palabra cu minister di economia, cu lo bay tin reunionnan regular pa por sigura cu por trece un cambio den e situacion, segun Lejuez.
El a sigui splica cu e ta kere un di e cosnan cu a wordo treci dilanti ta entre otro tabata e ROP y voorschriften, cu ta e parti di zoning, cu ta regula tambe e cantidad y tipo di negoshi cu por tin den cierto area. Eynan so caba lo por yuda den esaki, pa por guia e proceso y e negoshinan y pa purba crea un level plain field pa e comerciantenan.
E ehecutivo a splica cu ta bay ta trahando y ta spera cu pa corto plazo por mira cambio riba esaki. Un di e tareanan ta pa sinta hunto cu minister, pa purba di yega na solucionnan.