Lider di Sindicato di Trahadonan Arubano, STA, Sr. Diego di Cuba a splica ariba e desaroyonan den ASTEC, caminda cu e trahadonan di ASTEC a tene un accion di protesta y no un welga, unda cu nan a manifesta nan malcontento pa cu e situacion den ASTEC y di e situacion andando tambe.
STA y ASTEC tabata den negociacion di un contrato colectivo. Pero na pero na fin di aña 2017, ASTEC bisa cu lo stop di negocia si no por yega na un acuerdo y lo verleng e contrato colectivo bieu.
Lider di STA a expresa cu esaki no ta e manera pa haci un negociacion di un contract colectivo tampoco, unda cu trahado lo ta wardando for mas cu 4 aña caba. ASTEC lo a actua di un forma fout, caminda cu sindicato a lag’e e situacion pa nan mes lo por ripara riba nan fayo pa nan mes, caminda cu e problema a rementa riba nan.
Referiendo cu tema di e carta di e barco cu ta parce lo bay drenta diabierna awo, pero atrobe a keda demostra cu e waf di Barcadera no ta adecuado pa un container habri. Esey ta e curason di e materia. E waf di Barcadera no ta apto pa un containerhaven. E prome punto ta e profundidad. Anteriormente nan a purba esaki un biaha caba, unda cu nan a coba un boca y a laga un draca bay coba. Pero e lama grandi cu ta bin di ariba, nan mester a core cer’e bek, sino full e parke di Barcadera lo a bay perdi. E di dos punto pa cu waf no ta funciona lo ta cu pa maniobra den e laguna ey lo un trabou hopi dificil mes.
Ainda no tin motibonan precies pakico e barco en cuestion no por a drenta, pero e hecho ta cu waf di Barcadera no ta adecua, y aparte di esaki lo tin un otro punto caminda cu nan sa di e surfer cu ta bin di aire no solamente ta dañino pa e mashinnan di Astec 3 biaha mas lihe cu salpeter, anto imagina e ora cuanto daño e ta haci na un persona su salud. Tin un rapport unda cu a keda a conseha pa no traha e waf eynan. Kico a sosode cu Astec toch a haya e green light pa toch traha riba e waf aki. En berdad tin operacionnan di cement y gas cu ta yega, pero pa tin operacion diario, sindicato ta considera hopi peligroso y vooral pa hende su salud y e luga no tin e suficiente espacio tampoco pa acapara tur e containernan cu lo tin mester, unda cu na e ultimo tempo lo por tin acumula 4 container riba otro y no ta e miho modo pa opera. E no ta un situacion normal.
E situacion di e contrato colectivo pa cu e trahadonan, ta full un otro cuestion. Awo tur hende sa cu
Astec lo hisa su tarifanan cu aproximadamente 15% anto nan no kier duna e trahado ni mita % aumento. ASTEC kier come di henter cartera di comunidad, si aumenta e tarifa pa afhandeling di container, ta e consumidor ta paga. Y nan no por duna un aumento na e trahadonan of un aumento chiripero.
Un cambio lo mester bin, y Sr de Cuba di STA a manda un carta caba na mediador di gbierno, pa sinta den reunion riba e caso aki mas pronto cu ta posibel. Pero STA lo solicita e reunion cu Astec cu presencia di mediador tambe, pasobra e situacion na Barcadera lo por sali for di man y sindicato ta compronde nan frustracion, anto awor akinan e caso lo keda den man di gerencia di compania ASTEC kico lo bay haci.
Pa finaliza, Sr. Diego de Cuba a enfatiza cu na Juni aña pasa STA a gana e referendum y a cuminsa cu negociacion unda tin hopi cos pa trece den un regla den un compania. Pero loke mester bay den contract colectivo mester bay den un contrato colectivo y no un reglamento di compania. STA no tin nada contra di un Reglamento di Compania. Loke STA ta pidi den e CAO ta cosnan comun y coriente. Y loke ASTEC a bin cun’e ta algun cos for di sla y a bisa gerencia cu e trahado no lo acepta esaki. No por djis stop di negociacion y cu esaki lo mester dicidi den consenso y no di un banda so.
Trahadonan di ASTEC a bisa bon cla cu nan kier e director na mesa. Nan a cansa di e wega di bay bin, pa sinta negocia y caba cu e situacion aki lo mas pronto posibel. E unico problema cu esaki ta trece cun’e, ta pa e consumidor y tambe pa e turistanan. Pero loke e gerencia ta haciendo cu e empleadonan, niun hende no ta worry cu esey. Horca e trahadonan y e sindicato numa. A schakel mediador in y pa yega na un solucion mas pronto posibel, pa evita cu e situacion escala. Pero hecho ta keda cu e waf di Barcadera no ta adecuado pa loke nan ta haciendo awo, segun Sr. Diego de Cuba, lider di sindicato STA.