Diabierna ultimo, Cruz Cora Aruba a lanta su Vuelo RCA 2019 completamente ful geboekt pa un biahe rond mundo. Pasaheronan a goza di un anochi cu tremendo ambiente, cuminda y un variacion di bebida. Esaki tabata e di 8 fiesta anual di Cruz Cora Aruba pa recauda fondo y cada aῆa e fiesta aki tin su toke special cu ta un tema cu ta entusiasma y pone hopi participa cu esaki tambe. Tabata un anochi hopi exitoso y bon bishita.
Su Excelencia Gobernador Alfonso Boekhoudt a habri e anochi cu un bunita speech unda ela conta un tiki di e varios proyectonan di Cruz Cora Aruba y a gradici e Boluntarionan pa e bunita trabou y tur e dedicacion. Presidente di Cruz Cora Aruba, Sr. Stephen Daal despues a gradici tur sponsor y colaborador cu a haci e anochi posibel. Y asina e buelo a lanta cu e tremendo animacion di Papito Rafael y Biba Lekker Band.
Cruz Cora Aruba ta gradici:
Romar Trading, Palmera Quality Products, Manrique Capriles, Tropical Bottling Company, Aruba Trading Company, GCG Catering, Discovery Travel, Aruba Surfside Marina, Flora, First Class Experience Aruba, High Performance, Papito Rafael & Biba Lekker Band, Aruba Bank, Andrew Curiel, Dr. Pixels, Marieta Wanopa y Aeropuerto Reina Beatrix. Tambe ta gradici tur persona y compania cu e contribui cu compra di ticket y presencia. Masha danki na e Flight Crew di Cruz Cora Aruba cu a logra crea e fantasia pa e anochi aki. Ya caba ta preparando pa otro sorpresa pa Juni 2020!