Vrij Universiteit Amsterdam ta stop di duna Bachelor’s Hulandes

Minister Van Engelshoven tin comprension pa e decision di Vrije Universiteit Amsterdam pa stop di duna e estudio di Bachelor Hulandes. Diasabra a bira conoci cu VU ta stop cu e estudio aki cu ta forma part di e Bachelor Literatuur & Samenleving.
E prome aña ta conta actualmente cu cinco studiante y segun e directiva di VU ta demasiado poco pa haci e estudio uno rendabel. Van Engelshoven por compronde e situacion, mirando cu e otro universidad den e capital si lo sigui duna e estudio aki. “Si tin asina poco interes pa e estudio aki, ta mas cu logico pa combina e conocimento y experencia den un solo universidad”, e ta bisa.
Studiantenan por sigui studia Hulandes na Groningen, Amsterdam, Utrecht, Leiden y Nijmegen. Den tur e ciudadnan aki e interes den studia Hulandes ta disminuyendo: aña pasa solamente 200 studiante a kies pa sigui e estudio aki.

Deltaplan Talen
Esaki tambe ta un punto di preocupacion pa Van Engelshoven. “P’esey nos ta bezig cu’n Deltaplan Talen. Nos kier haya sa e motibo pa cual tin asina poco interes, y wak con nos por stimula pa mas hende sigui un estudio di Bachelor Nederlands of un otro idioma”. E ta spera e prome propuestanan concreto e aña aki.
Segun e minister, hopi ta e hobennan cu ta pensa cu nan por uza Hulandes solamente dilanti di un klas, pero esey ta un malcomprondemento. “Bo por traha como traductor of redactor na un cas editorial”.
Hopi ta pensa cu e falta di interes pa sigui un estudio di Hulandes ta door di e maneho di hopi universidad pa atrae mas studiantenan stranhero, particularmente, pero Van Engelshoven no ta mira e conexión aki.
“Ta purba di unda e internacionalisacion e culpa di tur cos. Internacionalisacion ta bon pa e ciencia Hulandes y e universidadnan. Pero claro, cu moderacion”.

Comments

comments