Na New Zealand recientemente tabata tin un votacion na unda nan a vota pa legalisa Euthanasia den un referendum, pero resultadonan preliminario ta mustra Diabierna cu nan mastanto no lo legalisa uzo di Marijuana recreacional.
Cu casi 80% di voto conta, Euthanasia a wordo accept na New Zealand cu 63% voto na fabor y 34% contra. E voto di ‘No’ na Marijuana tabata mas cerca, cu 53% votando contra legalisacion pa uzo recreativo y 46% a vota na fabor. Esaki ta laga e oportunidad cu e medida por pasa ora cu tur voto special wordo conta otro siman, lo rekeri un swing hopi grandi tog.
Fuente: NBC