Despues cu un grupo di hurado a pasa door di e nombernan ricibi, cual tabata un tarea hopi dificil. Nos hurado a logra saca 11 nomber cu ta cumpli cu tur e reglanan di Internacional Astronomical Union (IAU). Por vota pa e nomber di bo preferencia te 12 di November 2019.
Space and Nature Aruba Foundation (SNAF) ta contento con e proceso di seleccion a bay, bou guia di Marian Abath (Artista di Glas), Raymundo Dijkhoff (Archeologo), Maritza Everon (docente di Papiamento) y Harold Kelly (Archeologo). E grupo di expertonan aki tawatin e tarea basta dificil pa selecciona e miho nombernan cu ta cumpli cu e reglanan di IAU. Riba nos website http://www.spacenaturearuba.com/exoplanet-naming-competition-2019/ por haya e nombernan y nan splicacion.
Ta pidi encaresidamente pa lesa e splicacionnan bon y selecta esun cu bo ta sinti cu ta esun cu por representa Aruba mas miho cu ta posibel, paso esaki lo ta e nomber cu lo uza pa e strea y su exoplaneta WASP-39 y WASP 39b.
IAU lo anuncia e nombernan ganado di tur e 128 paisnan cu a participa fin di december 2019 y nos di SNAF lo anuncia e ganadornan di e prome, e di dos y e di tres luga na Aruba dia 18 di Januari 2020.
Pa mas informacion tocante Astronomia y Naturalesa, sigui nos Facebook page Space and Nature Aruba