Na september 2021 Stichting Ambiente Feliz a habri su di dos localidad na San Nicolas yama Cas Briyante. Cas Briyante ta ofrece cuido residencial y pasadia na persona cu un limitacion multiple. E facilidad ta consisti di un pool cu zwembadlift cu e intencion pa por ofrece e clientenan e oportunidad pa ricibi terapia den awa. Hydrotherapie por yuda alivia dolor, relaha musculo y mehora e movecion cerca persona cu un limitacion multiple.
E fundacion no tin e fondonan necesario por por ehecuta e mantencion na e pool cu nunca a wordo uza. Tambe mester fondo pa por cubri cu e gastonan pa un fysiotherapista specialisa den Hydrotherapie.
Pa por yega na e fondonan Stichting Ambiente Feliz ta participando na e Wind Creek Aruba Long Table Video Contest na unda un organisacion por gana 40.000 dollar. Pero Stichting Ambiente Feliz mester di ayudo di comunidad di Aruba y pesei ta invita un y tur pa vota pa Ambiente Feliz y asina yuda e fundacion realisa su projecto. Por vota te cu dia 24 di augustus via e website windcreek.com/aruba/community-support/long-table/video-contest.
Pa mas informacion di e fundacion y e servicionan cu nan ta ofrece por bishita nan FB page “Stichting Ambiente Feliz” of e website www.stichtingambientefeliz.com. Tambe por comunica cu e fundacion na e number 5858738. Stichting Ambiente Feliz ta conta cu bo voto!
