Tur e problemanan den comunidad, ta wordo enfrenta door di diferente departamento. Na Voogdijraad nan ta wordo envolvi ora tin menasa den e siguridad di e menor. Sra. Aisca Barkmeyer, directora di Voogdijraad ta splica mas over di esaki.
Ora cu un melding drenta, sea di Bureau Sostenemi, scolnan, caminda cu tin sospecho di maltrato, negligencia, abuso sexual. Na e momento ey, Voogdijraad ta wordo envolvi y nan ta haci nan investigacion a base di esey, unda cu nan mester tuma medidanan drastico.
Ora cu un keho drenta, e momento ey, tin sustancia cu ta sostene e kehonan. Nan ta apoya y papia cu e menor. Di eynan nan ta sali for di e puntonan cu a wordo entrega como keho. Ta confirma existencia di e keho. Naturalmente, nan e prome contacto no tin un bista completo di e problematica di e famia. Pero, durante e investigacion nan ta haya sa di e problema den su totalidad y kico ta e miho yudansa cu por wordo brinda y e proteccion cu ta necesario pa e menor.
Na e momento ey, cu tin un keho ta drenta semper ta papia cu e menor. Y tambe cu su mayornan. Tin hopi casonan nobo cu ta keda drenta y tin caso cu nan ta bezig ta traha ariba dje, cu ya caba a wordo gemeld.
Sra. Barkemeyer a sigui bisa cu ta primordial cu cada mayor ta consciente di nan responsabilidad con ta trata cu nan yiunan, con pa cuida nan yiunan. Na momento cu nan ta sinti cu nan no por carga esey, pa nan acudi na e instancianan cu por brinda nan e ayudo y e sosten pa pasa door di e momento dificil cu tin ora famia por pasa door di dje. Pa Voogdijraad actua, e melding mester drenta. Esey ta paso cu tin mucha involucra of via Bureau Sostenemi. Nan ta follow up den ki situacion e menor ta kedando y si ta necesario pa duna e siguridad na e mucha, e ora Voogdrijraad ta wordo yama aden.